主页 > 探险知识 >《给马达的一封信》

《给马达的一封信》

作者: 时间:2020-05-28 227° 探险知识
《原创文章 欢迎转载 请列明出处 谢谢》-请支持蓝狮 Facebook专页-《给马达的一封信》 按此观看图片 马达,即使转投曼联都好几季既时间,相信佢喺部份车迷心目中仍然存在一定位置,论能力同星味马达未必算係一个世界级球星,但佢无论喺场内场外所做既野係唔少世界级球星都做唔到,积极乐观既态度以及斗志令唔少球迷对佢宠爱有加,也许一个球坛就只有一个马达。首次踏足英超,当日由华伦西亚转投英超车路士,收购马达既主因唔多唔少都係同为左激活费兰度托利斯有关,始终经历左一季时间王子喺史丹福桥依然存在不适应,而马达亦随即成为车路士既核心球员之一,队中唔少攻势都交由西班牙人发板,亦令球迷欣赏得到蓝军缺少以耐既「技术流」,一改过往硬朗作风,最终马达首季就经已为车路士攻入12球及助攻20球双双数字,更为球队赢得欧联及英格兰足总盃双料冠军。随即球会一改转会方针,喺「大耳朵盃」效应下收购夏萨特、奥斯卡等潜力球星,打正旗号希望以华丽既「技术流」作进攻风格,虽然季中成绩未如理上之下由宾尼迪斯接替迪马替奥为看守领队,不过肥宾为车路士所制定既战术体系绝对可以话度身订造,火力全开下完全将马达佢地几个前场球员发挥得淋漓尽致,而西班牙人亦再进一步以19入球35个助攻完成喺蓝军既第二季,更为车路士赢得欧霸盃,个人成绩可以话相当惊人。可惜摩连奴二次接掌蓝军后,由于马达对于防守既输出不能满足得到摩佬,加上思维上要求以简单、直接以及快速去完成反击,无论喺速度以至球风方面球员都唔係摩连奴所需要既类型,最终选择离队他投加盟曼联。而命中注定之下摩连奴亦喺之后成为曼联主帅,但马达并没有因此而存在放弃既意思,一直为球队付出所有,无论有无正选定係连后备都无,球员都从不向外界宣洩不满。与此同时,马达虽然唔係一个土生土长既英国人,不过佢对于一间球会既历史同传统价值唔会比一啲由球会出身既自家青训球员低,对于一间球会以至週边社区,马达都非常乐于参与社区活动,再定期亲笔以短文方式于社交媒体上向大众分享,试问依加仲有几多个球员会有咁样既习惯?大多数一切都係以商业赞助为大前题,否则都只会爱理不理。现今球坛上既「好好先生」愈见愈少,有时候唔净止睇场上既战术效益,场外既一言一行其实都能够睇到一个球员既价值,有传马达有机会离开曼联,虽然都无乜太大可能回归车路士,不过偶然能够FF一下其实都算唔错...文章发表时间 : 14/5/2019 15:30文章最后更新时间 : 14/5/2019 15:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇:
下一篇: